餅仔泰曼遊學記 學校簽證篇
-
近排都唔少人問返我報學校果啲，咁我一次不過Post多次😂😂😂
-
首先講下學校先，其實泰國市面上好多唔同類型既泰文學校，網上面都會有文章講幾間主要既泰文學校有咩特質，可以自行翻文。
-
選學校時有幾個主要考慮既因素:
-
1.價錢:收費有兩種模式
第一種:買時數，好似學車咁，想學幾多就買幾多個鐘。
第二種:以Level計算。
*餅仔選左第二種，五個Level學五個月，總數34500Bhat，大約係7600港幣左右。(而加加左價)
-
2.地點:學校近唔近BTS，MRT好重要，因為如果要撘地面交通工具先去到既話你可能有排塞車。住既地點同樣重要,餅仔曾經住過一個叫Bang Kae既地方,去返學要個半鐘,曾經覺得自己好似山區兒童咁🤦🏻♂️.後尾頂唔順住返Asok.
-
3.教學模式:教學模式直接影響你既學習進度，有啲學校有考試測驗既，會迫住個進度，有啲係慢慢黎，俾你不停聽，而且課堂係亂入模式，所以有機會上返同樣既內容。
-
而小弟就選擇左間有考試測驗既(反正我地香港人已習慣香港這填鴨式教育🤦🏻♂️，當然你話如果唔急既，可以選擇輕輕鬆鬆的教學模式，冇考試果種)。
-
好喇，咁有心水學校，下一步就係同學校聯絡，無可否認學校既客服方面都幾漏氣，每次等佢覆都要好耐，所以最好預鬆啲時間。
-
同學校傾好晒，佢就會Send張Application Form俾你，你填好之後係要[By mail]咁寄返去泰國，因為要你既簽名，學校收到之後就會拎你份Application Form 去類似教育局既地方整文件，需時聲稱要一個月(我大約兩星期就搞掂)，之後佢就會寄返份文件返黎，我就拎份文件去泰國領事館整Visa(摸門釘既小篇表示簽證部係早上先開)
-
最後，一日之後就可以拎返圖中已經整好左既Visa，隨時可以起程！
-
搞掂左Visa,下一步就係諗住邊！
Search